“CPM-İnvest İnvestisiya Şirkəti” Açıq Səhmdar Cəmiyyəti bildirir ki, Bakı şəhəri, Nəsimi rayonu, Cəlil Məmmədquluzadə küçəsi, ev 102A, “City Point Baku” ünvanında 26 avqust 2025-ci il tarixində, saat 11:00-da Səhmdarların növbədənkənar ümumi yığıncağı keçiriləcək. Yığıncağın gündəliyinə aşağıdakı məsələlər daxil edilib:
• Cəmiyyətin 2025-ci il üzrə yarımillik maliyyə və idarəetmə hesabatlarının təsdiq edilməsi və açıqlanması;
• Cəmiyyətin Müşahidə Şurasının Əsasnaməsinin yenidən nəzərdən keçirilməsi və yeni redaksiyada təsdiq edilməsi;
• Cəmiyyətin təşkilati, eləcə də idarəetmə orqanlarına dair məsələlərinin müzakirəsi;
• Cəmiyyətin yeni korporativ sənədlərinin qəbulu, mövcud korporativ sənədlərində dəyişikliklər edilməsi və bununla bağlı məsələlər;
• Cəmiyyətin nizamnaməsinin yeni redaksiyada qəbul olunması və təsdiq edilməsi;
• Cəmiyyətin nizamnaməsinə dəyişiklik edilməsi ilə bağlı müvafiq qurumlara müraciət edilməsi və bununla bağlı səlahiyyətli şəxsin (onun tərəfindən etibarnamə verilən şəxsin) müəyyən edilməsi.
